CHIRWA AFUNGIWA MECHI TATU

Mshambuliaji wa Yanga Obrey Chirwa amefungiwa kucheza mechi tatu za ligi kuu Tanzania Bara na kutozwa faini ya shilingi laki tano kwa kosa la kumpiga mchezaji wa Tanzania Prisons kwenye mchezo uliomalizika kwa sare ya kufungana bao 1-1.

Adhabu hiyo imetolewa na Kamati ya nidhamu ya Shirikisho la Soka Tanzania (TFF) iliyokutana Jumapili Januari 14, 2018 na kusikiliza kesi hiyo iliyowasilishwa na Bodi ya Ligi ikihusu mchezo namba 83 kati ya Yanga na Tanzania Prisons iliyochezwa Novemba 25, 2017 kwenye Uwanja wa Azam Complex Dar es Salaam.

Kwa mujibu wa taarifa ya TFF, Chirwa alifika kusikiliza kesi hiyo akiwa na muwakilishi wake na alikiri kutenda kosa hilo.

“Kamati baada ya kumsikiliza Chirwa na kupitia video za mchezo huo pamoja na taarifa ya kamishna  na muamuzi imetoa adhabu kwa mchezaji huyo kupitia kanuni ya 37(7b) na kanuni za nidhamu za TFF kifungu cha 48(1d) na 48(2)”. Imeeleza sehemu ya taarifa hiyo.
@tanzania.beauty

Read More

Mapindi Cup 2018

MSIMAMO: Kabla taifa halijashuhudia mchezo mkali katika michuano ya #MapinduziCup2018 utakaowakutanisha mabingwa watetezi Azam FC dhidi ya mabingwa wa kihistoria wa michuano hiyo, Simba SC saa 2:15 usiku wa leo, msimamo katika makundi yote umekaa hivi....

Kwa msimamo huu, Azam ikifungwa leo, inakuwa imeaga mashindano kwa kuwa huu ndiyo mchezo wake wa mwisho, lakini Simba bado itakuwa na mchezo mmoja, hivyo ikifungwa leo, itabidi kusubiri matokeo yake ya mchezo wa mwisho.

Fuatilia michuano hii kupitia Facebook page yetu ya hapa itakupa majibu mbashara kutoka dimba la Amaan Zanzibar. na instragram page yetu ya @tanzania.beauty

Read More